Germanic Lexicon Project
Search results
Home
Texts
Search
Messages
Volunteer
About
Search Help Tip: In the search results, you can click on any word or abbreviation for more information.
Source: Gordon/Taylor, page b0104, entry 1
View original page image as: [TIFF][PNG]
[View previous entry] [View next entry]
[Comment on this entry]
[View comments]
The following entry has been hand-corrected once.
fœrðisk í aukana ok knepti hann at sér, er þeir kómu í and-
dyrit. Ok er Grettir sér at hann fekk eigi við spornat, hefir
hann alt eitt atriðit at hann hleypr sem harðast í fang þræln-
um ok spyrnir báðum fótum í jarðfastan stein, er stóð í
80 durunum. Við þessu bjósk þrællinn eigi; hann hafði þá
togazk við at draga Gretti at sér, ok því kiknaði Glámr á bak
aptr ok rauk fugr út á dyrnar, svá at herðarnar námu upp-
dyrit ok ræfrit gekk í sundr, bæði viðirnir ok þekjan frerin;
fell hann svá opinn ok fugr út ór húsinu, en Grettir á hann
85 ofan.
Tunglskin var mikit úti ok gluggaþykkn; hratt stundum
fyrir, en stundum dró frá. Nú í því er Glámr fell, rak skýit
frá tunglinu, en Glámr hvesti augun upp í móti. Ok svá hefir
Grettir sagt sjálfr, at þá eina sýn hafi hann sét svá at honum
90 brygði við. Þá sigaði svá at honum af llu saman, mœði ok
því, er hann sá at Glámr gaut sínum sjónum harðliga, at hann
gat eigi brugðit saxinu, ok lá náliga í milli heims ok heljar.
En því var meiri ófagnaðarkraptr með Glámi en flestum
ðrum aptrgngumnnum, at hann mælti þá á þessa leið:
95 'Mikit kapp hefir þú á lagit, Grettir', segir hann, 'at finna
mik. En þat mun eigi undarligt þykkja, þó at þú hljótir
ekki mikit happ af mér. En þat má ek segja þér, at þú
hefir nú fengit helming afls þess ok þroska er þér var ætlaðr,
ef þú hefðir mik ekki fundit. Nú fæ ek þat afl eigi af þér
100 tekit er þú hefir áðr hrept, en því má ek ráða, at þú verðr
aldri sterkari en nú ertu, ok ertu þó nógu sterkr, ok at því
mun mrgum verða. Þú hefir frægr orðit hér til af verkum
þínum; en heðan af munu falla til þín sektir ok vígaferli, en
flest ll verk þín snúask þér til ógæfu ok hamingjuleysis.
105 Þú munt verða útlægr grr ok hljóta jafnan úti at búa einn
samt. Þá legg ek þat á við þik, at þessi augu sé þér jafnan
fyrir sjónum sem ek ber eptir, ok mun þér erfitt þykkja einum
at vera; ok þat mun þér til dauða draga.'
Ok sem þrællinn hafði þetta mælt, þá rann af Gretti ómegin,
Germanic Lexicon Project (main page)
This search system was written by Sean Crist
Please consider volunteering to correct the data in these online dictionaries.
No rights reserved. Feel free to use these data in any way you please.