Germanic Lexicon Project Search results

Home Texts Search Messages Volunteer About Search Help

Tip: In the search results, you can click on any word or abbreviation for more information.

Source: Gordon/Taylor, page b0105, entry 1 View original page image as: [TIFF][PNG] [View previous entry] [View next entry]

[Comment on this entry] [View comments]

The following entry has been hand-corrected once.

þat sem á honum hafði verit. Brá hann þá saxinu ok hjó 110
hfuð af Glámi ok setti þat við þjó honum. Bóndi kom þá
út, ok hafði klæzk á meðan Glámr lét ganga tluna; en hvergi
þorði hann nær at koma fyrr en Glámr var fallinn. Þórhallr
lofaði Guð fyrir ok þakkaði vel Gretti, er hann hafði unnit
þenna óhreina anda. 115
Fóru þeir þá til ok brendu Glám at kldum kolum. Eptir
þat báru þeir sku hans í eina hít ok grófu þar niðr, sem sízt
váru fjárhagar eða mannavegir; gengu heim eptir þat ok var
þá mjk komit at degi. Lagðisk Grettir niðr, því at hann
var stirðr mjk. Þórhallr sendi menn á næstu bœi eptir 120
mnnum, sýndi ok sagði hversu farit hafði. &O-hook;llum þótti
mikils um vert um þetta verk, þeim er heyrðu. Var þat þá
almælt at engi væri þvílíkr maðr á llu landinu fyrir afls
sakir ok hreysti ok allrar atgørvi sem Grettir Ásmundarson.
Þórhallr leysti Gretti vel af garði ok gaf honum góðan hest 125
ok klæði sœmilig, því þau váru ll sundr leyst er hann hafði
áðr borit. Skildu þeir með vináttu. Reið Grettir þaðan í
Ás í Vatnsdal, ok tók Þorvaldr við honum vel ok spurði
inniliga at sameign þeira Gláms, en Grettir segir honum
viðskipti þeira ok kvazk aldri í þvílíka aflraun komit hafa, 130
svá langa viðreign sem þeir hfðu saman átt.
Þorvaldr bað hann hafa sik spakan, 'ok mun þá vel duga,
en ella mun þér slysgjarnt verða'.
Grettir kvað ekki batnat hafa um lyndisbragðit ok sagðisk
nú miklu verr stiltr en áðr, ok allar mótgørðir verri þykkja. 135
Á því fann hann mikla muni, at hann var orðinn maðr svá
myrkfælinn at hann þorði hvergi at fara einn saman, þegar
myrkva tók. Sýndisk honum þá hvers kyns skrípi. Ok þat
er haft síðan fyrir orðtœki at þeim ljái Glámr augna eðr gefi
Glámsýni, er mjk sýnisk annan veg en er. Grettir reið 140
heim til Bjargs, er hann hafði grt ørendi sín ok sat heima um
vetrinn.

---

Germanic Lexicon Project (main page)
This search system was written by Sean Crist
Please consider volunteering to correct the data in these online dictionaries.
No rights reserved. Feel free to use these data in any way you please.